Hogamiyihii Hore ee Kataloniya oo Jarmalka Lagu xiray

0
70

Hoggaamiyihii hore ee Catalonia, Carles Puigdemont, ayaa lagu xiray dalka Jarmalka, sida uu qareenkiisa sheegay.

Waxaa la qabtay xilli uu ka yimid Denmark, kuna sii jeeday Belgium, Jaume Alonso-Cuevillas ayaa bartiisa Twitter-ka ku soo qoray. Ninkan ayaa laga doonayaa Spain isagoo lagu eedeynayo taageerada goonni-u-goosashada Catalonia.

Puigdemont ayaa magan-galyo ugu noolaa Belgium tan iyo aftidii la mamnuucay ee Oktoobartii hore, taas oo lagu taageerayay goonni-u-goosadka Catalonia.

Amar ka soo baxay Yurub oo isaga lagu soo xiray ayaa dhowaan la soo saaray.

Xiisadda ka taagan Catalonia ayaa aad u kacsan, hoggaamiyeyaasheeda ayaana diiday qorshe lagu magacaabayo madaxweyne cusub kaddib markii la xiray musharraxii ugu dambeeyay.

Jordi Turull ayaa Jimcihii lala xiray shan hoggaamiye kale, taas oo sababtay dibad-baxyo iyo isku dhacyo dadweynaha iyo booliiska ku dhex maray Barcelona.

 

Xigasho: BBCSOMALI

LEAVE A REPLY

Please enter your comment!
Please enter your name here