(Dhegeyso)-Ciidamada Kenya oo gudaha u galay Baladxaawo iyo xiisad ka taagan

0
213

Xiisad u dhexeysay dadka deegaanka degmada Baladxaawo ee gobolka Gedo iyo Ciidanka dowladda Kenya oo ka dhalatay Burburin Kenya ay ka bilowday gudaha degmada Baladxaawo oo ay sheeganeyso inay leedahay oo maalmihii dambe halkaa ka taagnaa ayaa hadda dib usii laba kacleysay.

Wararka aan ka helnay dadka deegaanka ayaa xaqiijinaya in xiisaddu ay soo cusboonaatay Kadib markii labadii maalin ee lasoo dhaafay Ciidanka Kenya ay dib ugu soo noqdeen halkii markii hore muranku ka bilowday ayna burburin ku sameeynayaan guryo la dagganyahay taasi oo walaac iyo diidmo xooggan ay ka muujinayaan dadka degmada ku nool.

Sidoo Kale Ciidanka Kenya waxaa arintan dib usoo cusboonaatay ku gacansiinaya xubna ka mid ah Maamulka degmada Baladxaawo oo sida la sheegay lacago kusoo qaatay sidii shacabka ka dhiidhinaya xad-gudubka Kenya ay kusoo sameyneyso ciidda Soomaaliya ay uga dhaadhicin-lahaayeen inaysan howlgalka ciidanku wadaan ka hortagin.

Wararkii ugu dambeeyey ee Saaka Nagasoo gaarayo degmada Baladxaawo ayaa sheegaya in Xiisad Kacsanaan ah ay jirto dadka deegaanka Qaarkood ayaa ka barakacaya degmada Kadib markii ciidanka Kenya ay kulasoo Jarmaadeen Saaka burburin.

Puntlandonline.net 

LEAVE A REPLY

Please enter your comment!
Please enter your name here