Horjoogayaashii ugu waaweynaa Alshabaab oo isaga baxay

0
77

Horjoogihii Kooxda Alshabaab ee Gobolka Baay Macalin Geedoow Aadan Abuukar ayaa sheegay inay Alshabaab ay isaga baxeen isaga iyo dhigiisii Alshabaab ee gobolka Gedo Cabdiraxmaan Fiiloow.

Macalin Geedoow oo wareysi siiyay Radio Muqdisho ayaa tilmaamay inay isku fahmi waayeen Alshabaab joojinta dhibka ay ku hayaan bulshada Soomaaliyeed.

Horjooge Geedoow ayaa sheegay inay aqbaleen baaqii Madaxweynaha Jamhuuriyada Soomaaliya Mudane Maxamed C/llaahi Farmaajo ee ahaa inay Alshabaab isaga soo baxaan Horjoogayaasha iyo Maleeshiyaadka ka barbar dagaalama kooxdaasi ,islamarkaana waxuu sheegay hadda in ay diyaar u yihiin ka qeyb qaadashada dagaalka ka dhanka ah Alshabaab.

Geedoow ayaa ku tilmaamay kooxdii uu kamid ahaan jiray ee argagixisada Alshabaab inay yihiin cadowga dadka iyo dalka Soomaaliyeed.

Uga dambeyn waxaa uu sheegay inay heystaan isaga iyo Horjoogihii Alshabaab ee Gobolka Gedo Fiiloow ciidan xooggan oo Alshabaab ay isaga difaacaan, isagoo intaa ku daray in Alshabaab ay yihiin Khawaarij dhiiga dadka banaysatay, muda 8 bil ahna uu taagnaa khilaafka kala dhaxeeya Argagixisada Alshabaab.

LEAVE A REPLY

Please enter your comment!
Please enter your name here